Respublika hududlaridagi ixtisoslashtirilgan san'at maktablarida "Zargarlik" mutaxassisligini tashkil etish.

Qoraqalpog'iston Respublikasi, viloyatlar va Toshkent shahridagi ixtisoslashtirilgan san'at maktablarida "Zargarlik" mutaxassisligini tashkil etish, o'quv xonalarini zamonaviy moddiy-texnika bazasi bilan ta'minlash. Bu orqali badiiy ta'lim va sanoat tizimida zargarlik sohasida kadrlar tayyorlashning uzviylik va uzluksizligi amalga oshiriladi hamda yoshlar hududlarda tashkil etilayotgan zargarlik korxonalari va brendlarida faoliyat olib borish imkoniyatiga ega bo'ladi yoki yakka tartibdagi tadbirkor sifatida ishlashiga sharoit yaratiladi. Yuqoridagi masalani hal etish orqali yurtimizda so'nggi yillarda zargarlik tarmog'ini yanada rivojlantirishga qaratilgan 20 dan ortiq me'yoriy hujjatlarning ijrosini ta'minlash imkoniyati kengayadi va yoshlar o'zini-o'zi band qilish hamda ish o'rinlarini yaratib, yoshlarni ish bilan ta'minlash imkoniyati yaratiladi.