Biznes

Assalomu alaykum yaxshimisiz. Mavjud muammo: Hozirgi kunda koʻplab yurtdoshlarimiz, ayniqsa qishloq joylarida, nafaqat oʻzini oʻzi band qilishda balki oʻzining tomorqasidan foydalanishda ham maʼnaviy ham moddiy tarafdan koʻplab muammolarga uchramoqda (oʻsimlikni toʻgʻri yetishtirish, chorva mollari va parrandalarni kasalliklariga qarshi kurashish, oilaviy tadbirkorlikni yoʻlga qoʻyish, kab- hunar oʻrganish va boshq. shular jumlasidan). Mening taklifim: Bu kabi muammolarga yechim sifatida barcha turdagi tadbirkorlik turlari: fermerlik, dehqonchilik, chorvachilik, bogʻdorchilik, frilanserlik, IT xizmatlari, hunarmandchilik va boshqa yoʻnalishlarda sifatli videolar va darslik kitoblar ishlab chiqib "Biznes darslari" nomi ostida ijtimoiy tarmoqlarda (Youtube va boshq.) kanal yuritish va "Biznes kitoblar" nomi ostida kitoblar chop etish zarur deb oʻylayman. Agar loyiha ijobiy natija bersa, keyinchalik loyihani yanada kengaytirish va foydalanishni qulaylashtirish maqsadida foydalanuvchilarga dastur (app) orqali roʻyxatdan oʻtib oʻziga kerakli boʻlgan bilimlarni istalgan joyda turib oʻrganish, mutaxassislar bilan savol -javob qilish (izohlar qismida) kabi qulayliklar yaratish maqsadga muvofiq boʻlar edi.