,,Zakovat" klubi

Assalomu alaykum hurmatli Alisher Sadullayev. Menda ham bir taklif bor edi. Bu taklifim sizga yoqadimi yoʻqmi bilmayman. Ushbu berajak taklifim zakovatga qiziquvchi, bilimdon yoshlarga yaxshigina yangilik va ilmu tolib oʻquvchiyu talabaga juda zoʻr motivatsiya boʻladi deb oʻylayman. Taklifim quyidagicha: 1) Yurtimizda ,, Zakovat " klubini tashkil etish kerak deb oʻylayman. Ushbu klub mustaqil tarzda huddiki yoshlar ittifoqi agentlik tarkibida, ammo mustaqil boʻlgani singari faoliyat olib borsa maqsadga muvofiq boʻladi. Zakovat klubini vazifasi nima degan savol tugʻilishi tabiiy. Ushbu klub yurtimizdagi barcha zakovatchi yoshlarni bir auditoriya atrofida jamlaydi. Ularni birlashib katta marralarni zabt etishida muhim rol oʻynaydi. Zakovat klubi aʼzolari ( sardorlari) qanday saylanishi haqida ham taklifimni aytsam. Ushbu jarayon odil va shaffof tarzda oʻtishini taʼminlash maqsadida respublika boʻyicha zakovat ligasini tashkil etishni tavsiya beraman. Zakovat ligasi gʻolibi esa oʻz-oʻzidan avtomatik ravishda Zakovat klubi aʼzolari etib tayinlanishadi. Agarda zakovat ligasi oʻzini oqlasa uni har yili tizimli tarzda tashkil etish va har yili liga gʻoliblariga Zakovat klubi aʼzoligini berishni yoʻlga qoʻyish maqsadga muvofiq boʻladi deb oʻylayman. Shunda Zakovat klubi aʼzolari doim yangilanib turadi va bu klub faoliyatida sermahsullik rang-baranglik va kreativlikni oshirishiga ishonaman. Mening katta orzularimdan biri agentlik jamoasiga qoʻshilish va siz bilan tengdoshlarim bilan yurt farovonligi yoʻlida jonni jabborga berib kecha-yu kunduz mehnat qilishdir. Menga ishonch bildiring hurmatli Alisher Sadullayev !!!