Turli yo'nalishlarda maqsadli va foydali jamoalarni ko'paytirish uchun imkoniyatlar yaratish.

Yil davomida foydali harakatlarni amalga oshirgan jamoalarni ro'yxatga olish va ular tomonidan qilingan ishlarni boshqa Yoshlarga ham o'rnak sifatida ko'rsatish uchun to'plam holida nashr qilish. Masalan: 1) Ekologik va korrupsiyaviy muammolarga o'z yechimini berib bosma nashrlarda yoki teleradio kanallarda e'lon qilgan yoshlar; 2) Zararsiz va ijtimoiy targ'ibotlarni, so'rovnomalarni muntazam o'tkazib kelgan yoshlar; 3) Ilmiy maqola, video, foto, kalendar kabi materiallarni tayyorlagan yoshlar; 4) O'z mahallasidagi muammolarni bartaraf etishda jonbozlik ko'rsatgan va daraxtlarning kesilishini oldini olgan yoshlar; 5) Katta majlis, tadbir, forum, seminarlarda o'z nutqi va maslahatlari bilan kiber jinoyatlarni oldini olishga hissa qo'shib kelayotgan yoshlar; 6) Xazonlarni yoqmasdan tuproq ostiga ko'mish va chiqindini saralash haqida foydali kontentlar qilib kelayotgan yoshlar; 7) O'z hududidagi reklama bannerlarini Davlat tilida yozilishi bo'yicha o'rganishlar olib borgan yoshlar; 8) Yil davomida o'zining xolis ishlari orqali hududni obod qilishga hissa qo'shgan fuqarolar... Jamiyatga turli jabhalarda hissa qo'shayotgan Yoshlarni albatta qo'llab-quvvatlash va bu orqali unday Yoshlar safini yanada kengaytirish muhim hisoblanadi!