Elektron kutubxona

Assalomu alaykum yaxshimisiz!. Hozirgi kunda Alisher Navoiy nomidagi Oʻzbekiston Respublikasi Milliy kutubxonasida bir necha oʻn minglab noyob kitoblar, jurnallar va darsliklar mavjud. Biroq, koʻplab viloyatlik va chetdagi (Toshkent shahridan tashqari) yoshlarimiz bu yerdagi resurslardan muntazam foydalanaolmaydi. Mening taklifim shundayki, Milliy kutubxonadagi kitoblarni audio va pdf shaklida tayyorlab elektron sayt (e-Milliy kutubxona)ga joylashtirish. Bunda har qanday kitobxon saytdan roʻyxatdan oʻtib istalgan turdagi kitob, jurnal va darsliklarni yuklab olish imkoniyatiga ega boʻlishi maqsadga muvofiq boʻlardi. Shuningdek, saytda kitoblarni Darsliklar, Xorijiy tillar, Oʻzbek adabiyoti, Dunyo adabiyoti, She'rlar, Ertaklar, Biznes kitoblar, Shaxsiy rivojlanish, Jurnallar, Gazetalar, Sport, Boshqalar kabi kataloglarga boʻlish foydalanuvchilarga qulaylik tuhfa etardi. Holbuki, mamlakatimizning asosiy qismi yoshlar tashkil qilishini hisobga oladigan boʻlsak umumiy elektron kutubxona yaratish yoshlarimiz va yurtimizda istiqomat qilayotgan har bir kishi uchun foydali boʻlardi. Shu bilan birgalikda "e-milliy kutubxona" tarkibini xorijiy va milliy adabiyotlar bilan muntazam boyitib borish imkoniyatiga ega boʻlishi nur ustiga aʼlo nur boʻlar edi.