Bepul o'qitishga doir vaucherlar

Ba'zida Yoshlar uchun turli sohalarda va kurslarda bepul o'qishlari uchun imkoniyatlar paydo bo'ladi. Ko'p holatda bunday imkoniyatlardan chekka hududlarda tahsil olayotgan Yoshlar xabarsiz qolib ketishi mumkin. Shu bilan birgalikda e'lon qilinsa ham joylarga vaqtida yetib bormasligi mumkin. Onlayn o'quv kurslari va seminarlarning qamrov darajasi ko'pincha ustunlikka ega. Shularni hisobga olgan holda yil yakunlari, bayramlar va taqdirlovlarda ana shunday bepul bo'lgan kurslarga yo'llanma vaucherini ham berish lozim. Jonli va onlayn tarzda bo'ladigan seminar va o'quv kurslariga Yoshlarni qamrab olish ko'rsatkichi keskin oshishiga erishamiz. Vaucherni qo'liga olgan Yosh albatta shu imkoniyatdan foydalanish muhimligini sezadi va o'zi uchun belgilab qo'yadi. Hozirda asosiy imkoniyatlar Poytaxtda bo'lgani sababli, jonli bo'lib o'tadigan uchrashuv va seminarlar, turli bepul kurslarni Viloyatlarga ham onlayn ko'rsatishni yo'lga qo'yish lozim.