Xalqaro hamkorlik dasturi

Xalqaro aloqalar sohasida yurtimizda faoliyat olib boruvchi nodavlat notijorat tashkilotlarining xalqaro nodavlat notijorat tashkilotlari bilan hamkorligini kuchaytirishda ko'maklashish kerak deb o'ylayman. Sababi jahondagi muammolarga keng ahamiyat beradigan va yordamlashib moliyalashtiradigan xalqaro tuzilmalarni nodavlat notijorat tashkilotlari tashkil etadi. Ushbu xalqaro tashkilotlar bilan hamkorlikni rivojlantirish va O'zbekistonda vakolatxona, filiallarini tashkil etish orqali yurtimizdagi jismoniy va yuridik shaxslarning huquqlari va qonuniy manfaatlarini, boshqa demokratik qadriyatlarni himoya qilish, ijtimoiy, madaniy va ma’rifiy maqsadlarga erishish, ma’naviy va boshqa nomoddiy ehtiyojlarni qondirish, xayriya faoliyatini amalga oshirish uchun hamda boshqa ijtimoiy foydali maqsadlarni samarali tashkil etishga katta ko'mak bo'ladi. Shu sababdan nodavlat notijorat tashkilotlari va xalqaro tashkilotlar o'rtasida xalqaro hamkorlik dasturini ishlab chiqish ham muhim ahamiyat kasb etadi.