Taraqqiyparvar yoshlar kutubxonasi

Poytaxtimizda xorijda tahsil olayotgan O'zbekistonlik talabalarining kutubxonasini tashkil qilishimiz mumkin. Bugun xorijda 150 mingga yaqin O'zbekistonlik talabalar tahsil olmoqda. Barchamizning kitoblar bilan eng ko'p vaqt o'tqazadigan davrimiz bu talabalik davridir. Buni hisobga olgan holda xorijda tahsil olayotgan har bir talaba o'zlari tahsil olayotgan universitet yoki yo'nalishiga oid ilmiy publisistik , badiiy va boshqa turdagi eng sara kitoblarni "tashkil etilishi taklif qilayotgan Taraqqiyparvarlar kutubxonasi"ga hadiya qilishi, bu kitob va undaki bilim vatanim va xalqim uchun foydali deb hisoblagan kitoblari haqida ma'lumotlarni jamlab kutubxonaga bildirishi mumkin bo'ladi. Bildirilgan kitoblar tegishli ha'at tomonidan o'rganilib chiqilib, agar rostanam "millat uchun foydali" deb topilsa u kitobni vatanimizga olib kelinishi uchun kerakli sarf xarajatlar kutubxona fondi tomonidan qarshilanadi. Kutubxonaning nomidaki Taraqqiyparvar so'zi jadidlarimizdan ilhomlangan holda o'ylangan bo'lib, ularning izidan ketayotgan yoshlarni nazarda tutadi. Kutubxona tashkil qilingach xorij adabiyotini ayniqsa ilmiy taraqqiyotini O'zbekistondan turib kuzatib borish, undaki ma'lumolarni tezda ona tilimizga tajima qilish imkoni paydo bo'ladi. Bu maqsadda kutubxona qoshida "taraqqqiyparvar tarjimonlar" guruhi tuzilishi maqsadga muvofiq bo'lgan bo'lardi. Undan tashqari kutubxona o'z eshiklarini O'zbekistonlik talaba va tadqiqotchilarga ochgan holda bir tadqiqot markazi vazifasini o'tashi ham ko'zda tutiladi. Taklifni amaliyotga tadbiq qilish uchun ba'zi qo'llashilishi mumkin bo'lgan takliflar: masalan talabalar o'zlari topgan kitoblarni xorijdagi Respublikamizning elchixona yoki konsulxonalari orqali ortiqcha sarf xarajatlarsiz poytaxtimizga jo'nata olishlari mumkin; kutubxonaga taklif jo'natish uchun maxsus platforma sayt yoki mobil ilova ishlab chiqilishi mumkin; Xulosa qilib aytganda Taraqqiyparvarlar kutubxonasi xorijdagi yoshlarimizni ona vatanlari taraqqiyoti uchun yagona maqsad atrofida birlashtirishni nazarda tutadi. Har bir xorijdagi talaba vatan taraqqiyoti uchun o'z hissasini qo'shmoqchi bo'lganida ular uchun bir yo'l, ishonchli tizim taklifini taklif qiladi.