Yashil Oʻzbekiston koʻngillilar harakati

Hurmatli forum tashkilotchilari va ishtirokchilari, Bugungi kunda ekologik muammolar global darajada jiddiy muhokama qilinayotgan mavzulardan biridir. O’zbekiston yoshlarini bu masalalarga jalb etish orqali mamlakatimizning ekologik barqarorligini ta’minlash yo’lida yangi imkoniyatlar yaratishimiz mumkin. Quyidagi takliflarni kiritishni lozim deb hisoblayman: • “Yashil O‘zbekiston” ko‘ngillilar harakati. Yoshlarni daraxt ekish, hududlarni obodonlashtirish va chiqindilarni qayta ishlashga yo‘naltirilgan loyihalarda ishtirok etishga jalb qilish. • Har oyda o‘tkaziladigan “Chiqindisiz kun” aksiyasi bilan fuqarolarni ekologik madaniyatga chorlash. “Ekohayot” mobil ilovasini ishlab chiqish Yoshlar uchun maxsus platforma bo‘lib, bu orqali ekologik loyihalarda ishtirok etish, chiqindilarni qayta ishlash punktlari joylashuvini bilish, ekologik seminarlar va treninglarda qatnashish mumkin bo‘ladi. Ta’lim muassasalarida ekologiya darslarini kengaytirish Maktab va oliy o‘quv yurtlarida ekologiya va atrof-muhitni muhofaza qilish bo‘yicha amaliy mashg‘ulotlarni joriy etish. Talabalar orasida ekologik startaplarni qo‘llab-quvvatlash uchun grant dasturlari ochish. Energiya tejovchi texnologiyalarni targ‘ib qilish Yoshlar orasida quyosh panellari, shamol generatorlari kabi texnologiyalarni ishlab chiqarish va ulardan foydalanish ko‘nikmalarini oshirish bo‘yicha amaliy mashg‘ulotlar tashkil etish. Mazkur takliflar yoshlarning ekologik muammolarga faol yondashuvini oshirish bilan birga, ularni barqaror rivojlanish maqsadlariga erishishga hissa qo‘shuvchi yetakchilarga aylantiradi. Kelajakni yoshlar bilan birga yaratamiz!