“Mutolaa” loyihasi
“Mutolaa” – bu O‘zbekistonda kitobxonlik madaniyatini rivojlantirishga qaratilgan zamonaviy tashabbus. Loyiha yosh avlodni kitob o‘qishga rag‘batlantirish, milliy va jahon adabiyoti durdonalarini keng ommaga taqdim etish orqali kitobxonlik muhitini yangi bosqichga olib chiqishni maqsad qilgan. Loyiha Yoshlar ishlar agentligi tomonidan AT “Xalq banki” bilan hamkorlikda ishlab chiqilgan.
Loyiha doirasidagi imkoniyatlar;
- Elektron va audio kitoblar: Loyiha milliy va jahon adabiyotining eng sara namunalarini elektron va audio formatlarda jamlaydi va ulardan bepul foydalanish imkoniyatini yaratadi.
- Video-kitoblar: Yoshlarni qiziqtirish uchun kitoblarning mazmuni asosida yangicha uslubda tayyorlangan video-kitoblar taqdim etiladi.
- Raqamlashtirish: Kitoblar zamonaviy texnologiyalar yordamida raqamlashtirilib, keng ko‘lamdagi auditoriya uchun ochiq qilinadi.
Mobil ilova va onlayn platformalar;
Loyiha o‘z faoliyatini maxsus ishlab chiqilgan “Mutolaa” mobil ilovasi hamda YouTube, Instagram va Telegram platformalari orqali amalga oshiradi. Bu orqali foydalanuvchilarga:
- Kitoblarni o‘qish va tinglash;
- Video-kitoblarni ko‘rish;
- Yangiliklardan xabardor bo‘lish imkoniyati yaratilgan.
Loyihaning maqsad va natijalari;
“Mutolaa” loyihasi kitobxonlik madaniyatini ommalashtirish, yoshlarning intellektual rivojlanishini qo‘llab-quvvatlash hamda ularni kitob o‘qishga bo‘lgan qiziqishini oshirishni ko‘zda tutadi. Kutilayotgan natijalar:
- Kitobxon yoshlar sonini oshirish;
- 2024-yil oxirigacha 1000 ta elektron va 1000 ta audio kitobni platformaga yuklash;
- “Mutolaa” mobil ilovasi va ijtimoiy tarmoqlardagi platformalar orqali 1 milliondan ortiq auditoriyaga erishish.
Onlayn manbalar:
- Mobil ilova yuklab olish uchun:
- Ijtimoiy tarmoqlar:
- Rasmiy web sayt: mutolaa.com
“Mutolaa” loyihasi yoshlar uchun intellektual muhit yaratish, ularni o‘z hayotlarini boyitishga chorlovchi noyob tashabbusdir. Kitob o‘qish endi nafaqat foydali, balki qulay va zamonaviy formatda ham amalga oshiriladi.