Inklyuziv auksion: Birgalikda mehr ulashamiz!

3-dekabr – “Xalqaro nogironlar kuni” munosabati bilan “Yoshlar forumi – 2024” doirasida Sirdaryo viloyatida maxsus auksion tashkil etildi.

Auksionda jismoniy imkoniyati cheklangan va nogironligi bo‘lgan 34 nafar yosh tomonidan 200 ga yaqin qo‘l mehnati bilan yaratilgan ijodiy ishlar, tasviriy va amaliy san’at namunalari, dekorativ buyumlar sotuvga qo‘yildi. 

Natijada, auksion davomida 150 million so‘mlik xaridlar amalga oshirildi. Bu tashabbus nafaqat ijodkor yoshlarni qo‘llab-quvvatlash, balki og‘ir bemor bolalar va ularning oilalariga ruhiy va ma’naviy yordam ko‘rsatish, ijtimoiy himoyani mustahkamlash va mehr-oqibatni tarqatishga xizmat qiladi.

Bizning hamjihatligimiz — ertangi kunga ishonchni shakllantiradi!